الرئيسية / غير مصنف / في حضرة موهوب

في حضرة موهوب

 

 

 

 

خلال أربع سنوات وتحديدا من 2013 إلى 2017
فقد الشعر العامي ثلاثة من نجومه
بداية من أحمد فؤاد نجم “2013” مرورا بالأبنودي “2015” وختاما بسيد حجاب “2017”
من وقتها شعرنا بخفوت نجم الشعر العامي وبدا كأننا نعيش في مرحلة جدب
لكن على فترات تظهر بعض المواهب المبشرة التي تمنحنا الأمل والبهجة معا
ومن ضمنهم نجم لقاء اليوم والذي ستعرفونه في السطور التالية

 

الاسم ؟
مصطفي عبدالرحمن أبو العلا

 

مواليد؟
محافظة المنيا 26 اكتوبر 1994

 

أول شاعر تأثرت بكتاباته ؟

أول شاعر اتأثرت بي كان عم أحمد فؤاد نجم الله يرحمه وبالتحديد قصيدة كلب الست من وقتها وأنا واقع في غرام شعر العاميه ألف رحمه لروحه الطيبة

 

بتحب تقرأ لمين ؟
بحب اقرأ للأبنودي ونجيب سرور وفؤاد حداد وطبعا أحمد فؤاد نجم وصلاح جاهين وعمنا بيرم التونسي

 

أول مرة كتبت شعر وقلت هو ده اللي أقدر أنشره للناس كان امتى ؟أ

ولمره كتبت شئ يشبه للشعر شويه كنت في أولى ثانوي بس طبعا دلوقتي مؤمن إنه ماكنش شعر ولا حاجه لكن بدأت انشر كتاباتي والناس تقراها من 4 سنين تقريبا

مثلك الأعلى ؟
مثلي الأعلى صلاح جاهين وبيرم التونسي وشايف انهم اتظلموا جدا وماخدوش حقهم وحق موهبتهم العظيمه

أكتر بيت شعر بتحبه لشاعر غيرك ؟

رباعيه لعمنا صلاح جاهين بتقول
سهير ليالي وياما لفيت وطوفت
وف ليلة راجع في الضلام قمت شوفت
الخوف كأنه كلب سد الطريق
وكنت عاوز اقتله بس خوفت

أكتر بيت شعر بتحبه لنفسك ؟

والله مش عارف بس فيه جمله ليا دايما بارددها لما أكون زعلان وإن مكانتش هي الاحسن بتقول

ارضي بنصيبك ع العموم ، ترضي
واوعاك تسيب حبلك ع الغارب
واعلم بان الرزق جاي في ميعاد
وان النصيب فوق كل شئ غالب

قصيدة كتبتها بكل جوارحك ؟
قصيده اسمها من اسبوعين كتبتها أثناء حالة اكتئاب شديدة واظنها صادقه وان كان ما كتب بعدها بالطبع أفضل

اسم قصيدة لشاعر غيرك اتمنيت انها تكون ليك ؟

اكتر قصيده كان نفسي أبقى صاحبها قصيده إني رأيت اليوم
للشاعر مصطفي ابراهيم

أكتر مكان نفسك تعمل في حفلة ؟
أنا عملت حفلات كتيره الحمد لله ووقفت علي أهم مسارح مصر بس ما زال من ضمن احلامي المهمة اني اقف علي المسرح الكبير بمكتبة الاسكندرية

شايف إن الشعر العامي واخد حقه في مصر ؟

جدا الحمد لله شعر العامية الفتره دي في ازدهار يمكن محصلش من 50 سنه الناس بقت بتحضر حفلات الشعر أكتر من حفلات الغناء والموسيقي وبتشتري الدواوين أكتر ما بتشتري المجلات يمكن ده له بعض السلبيات من ناس داخل الوسط الشاعر بس في المجمل انا متفق جدا مع صديق قالي مره ” إن لكل زمان سلطان وسلطان هذا الزمان الشعر ”

اكتر جملة ادتك دافع في حياتك واكتر جملة احبطتك ؟
اكتر جمله ادتني دافع كانت من امي
مره شافتني في برنامج علي التلفزيون وقالتلي ان دلوقتي بس حسيت اني عملت حاجه مهمه يوم ما خلفتك

واكتر جمله احبطتني في العموم لما مدرس التربيه الموسيقية في ثانوي قالي اني اخري ابيع جرايد ع الرصيف لما شافني بكتب قصيده شعر وبالمناسبة عملتله اهداء في ديواني الاول ” كل ده كان ليه “

بالتوفيق يا مصطفى ومنتظرين نقرأ ديوانك الجديد

قبل ما تشوفك عنيا الصادر عن دار الهدف للنشر والتوزيع بمعرض الكتاب 2020

عن fatima saleh

شاهد أيضاً

نهلة الهبيان (يمامة) تكتب .. أسيري قد عاد

أسيري قد عاد إلي … ثلاثون عامًا مضت وأنا هنا باقية على العهد، انتظرك وأحيا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *