جريدة نبض القلم الأدبية
مقالات مشابهة
في مفيش ساعتين
كان الاتنين حفروا الأنفاق وبكلّ غباء
ماكانوش عارفين هتودّي لفين.
ماحناش خايفين؟
– أيوه ماخوفناش.
رايحين ع الوجهة المجهولة؟
– لسّه ماروحناش..
معقولة هننجح؟
– معقولة!!
وانْ مانجحناش؟
– استرجل وازحف ويّايا..
وانْ ماوصلناش؟
– وسط التّواريخ نبقى حكاية..
ونموت بنحاول وبنسعى..
هي الأنفاق ليه مش واسعة؟
– مايهمّش بسّ توصّلنا..
الْحقّ يا رفيق! داحنا وصلنا..
– في فتحة هناك مش مقفولة.
زحف الاتنين زيّ المجانين..
خرجوا وبيبصّوا شمال ويمين
وفي نفس الصوت مش معقولة!!
مش كنّا بنهرب دلوقتِ..
إيه جابنا الزّنزانة الأولى
• حسام إبراهيم عارف .. شاعر مصري شاب .. ولد في 14 أبريل 1994
• أنهى دراسته الجامعية في الهندسة المدنية / جامعة المنصورة عام 2017
• قام بالتعاون مع العديد من الفرق الغنائية و الأدبية مثل فريق معجون ودان ،، و فريق كشمان ،، و عكاز ،، و رصيف
• مؤسس أفينت سوق عكاظ لعرض الفنون المختلفة / في جامعة المنصورة الموسم الأول 2015 و الموسم الثاني 2016
• أصدر ديوانه الأول بعنوان “مفيشاليا” عن دار تويتة للنشر والتوزيع في يناير 2017
• سيصدر ديوانه الثاني ” سجن أس أربعة ” في معرض الكتاب 2019 عن دار الهدف للنشر و التوزيع
