الرئيسية / روايات / رواية / مشاعر للبيع

مشاعر للبيع

 

مشاعر للبيع يا استاذ ، مشاعر للبيع يا هانم

 

شعار النهاردة يا سادة “مش هتمل مني و هتشتري كل اللي عندي” … حب تلاقي ، كره معندناش اكتر منه و كله بنص تمنه

 

محسوبك إبراهيم عيل مطلعش من البيضه زي ما امي بتقول و راجل على ماتفرج ع رأي ابويا

اكمنّي مدخلتش طب و بقيت صايع بس أنا خريج علوم وربنا و التاني على دفعتي كمان .. هما بس بيحبوني مضطرين تقريبا

 

حبيت و عشقت ، سهرت و اشتغلت كذا شغلانه وطلع عيني عشان اقدر اجيب تمن هديه عليها القيمه ، هي إن جينا للحق تستاهل هدايا الدنيا كلها ؛ كانت أجمل بنت شفتها لغاية ما اتجوزِت ابن خالتها عشان عنده بيت و عربية و اتعرض عليه شغل فى الخليج يعني عشان جاهز من كله ..

 

– حب للبيع .. حب للبيع

نزل التسعيره الجديدة يا بني ، معلش بقا الدولار حضرتكم عارفين

يسعد ايامك ي بيه تشرفنا الاسبوع الجاي ، ابقى اسأل عن تشكيلة ‘هاتلي قلب لا داب ولا حب ولا انجرح ولا شاف حرمان’

 

نتكلم عن أغلى ما على الفَرش .. صاحبي اللي بيني و بينه عيش وملح عمل نفسه ميعرفنيش و راح خطب حببتي .. ماهو ده ابن خالتها المُبجل

مهرجان ‘مفيش صاحب بيتصاحب’ كلامه كله صح الصح .

 

– سعر الصحوبيه بقى بكام يا بني

– صحوبيه إيه بقولك ده الغالي يعني إوزن اللي تحبه و ببلاش يا حج ببلاااااش

 

هتلاقيكي يا هانم صادفتي جمله كدا بالفصحى بتقول  ‘وحدي لكن ونسان ‘ هو انا وحدي فعلا بس مش ونسان خالص .. تقدري تقولي قرفان طهقان كدا يعني

 

اهو كدا مفضلش فى عرض النهاردة غير مشاعر الثقة بالنفس ..

قرب قرب قرب بـ سبعه ونص للى مجرب ، محدش بيحبك و محدش بيفضل جنبك والكل بيحسب عليك خطواتك و يقولك يا فاشل ، انت لا صاحب ولا حبيب ولا ابن يشرف ولا حتى تساوي ربع جنيه فى السوق هنا …

 

قرب و شوف مشاعر للبيع

مشاعر للبيع يا استاذ .. مشاعر للبيع يا هانم .

 

#سلمى_الدهشان

#مشاعر_للبيع

 

عن fatima saleh

شاهد أيضاً

تحت مسمي الامنيات

                                                                                                      في محاولات تفاوض مع منبهي … النوم يتغلب عليّ فالاستيقاظ المبكر لا أحبه، أغطُّ …

تعليق واحد

  1. حبيت يا سلمى والله ❤

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *