الرئيسية / روايات / كراكيب كلام

كراكيب كلام

-فكرة العتاب من غير ما حد يفهم حاجه دي بتكون حاجه ملهاش اي مسمى اللي هو انت بتعاتب ليه ومحدش فاهم حاجه ؟! افهموا الظروف وبعدين عاتبوا بضمير وهيكون ليكو الحق انكم تعاتبوا ..

 

-فكرة انكم تتكلموا  بأسلوب مستفز ويحرق الدم دي حاجه مش حلوه يعني … ممكن بدل ما تتكلموا بالطريقه دي تسكتوا ومش تتكلموا خالص ودا بيكون أحسن في الحالة أنكم اللي بتكونوا بادئين الكلام … فمالوش لازمه تدخلوا تتكلموا بالأسلوب دا وتكونوا قاصدين … حطوها تحت أي مسمى بقى

 

-دخول ناس حياتك لفترة مؤقتة تحت مسمى الصدفة في الأول بتكون حلوة جدا وبتتعلقوا بضمير بس الناس بتمشي وبتيجي غيرها وبتكون تحت مسمى صدفة تاني وممكن نقول مسمى صدفة حلوة جدا وبتتعلقوا برضو وبيمشوا وبيجي غيرهم وهكذا هتتعب شوية بس اقلموا نفسكم إن أي حد يدخل حياتك تعامل معاه كأنه أجمل صدفة لأن في النهاية هتكتشف إن كل شخص ساب جواك حاجه حلوه تدوم للأبد..

 

-الصحاب والصاحب الجدع والحلو بزيادة واي مسمى للصاحب بقى مش هتفهمه ومش يستحق ياخد اللقب الحقيقي دا غير وقت الجد … لأن هتلاقي هما اتنين او كام واحد يتعدوا ع صوابع الايد اللي ينفع يتقال عليهم صاحب جدع ويدوم للنهاية … غير كدا ممكن نحطهم تحت مسمى الصديق أو الزميل أو معرفة حلوة ..

 

-الناس اللي بتكون بينك وبينها عيش وملح ومعاك بيحبوك وكل حاجة ومن وراك بيتكلموا عنك بأسلوب مش كويس وأنت بتكون كائن مغفل بس بتكتشف في النهاية كل دا لأن مفيش حاجة بتستخبى … مينفعش تزعل ولا تحط في دماغك أصلاً ناس مش تستاهل اي حاجة وتأكد إن كما تدين تدان وحقك هيجي بس اصبر شوية وربك هيجيب حقك في الدنيا وفي الآخرة …

 

-الشماتة دي ملهاش أي مسمى غير إنها حاجه وحشه جدا … ناس كتير جدا بتتشمت في الناس وهما ميعرفوش إن دي حاجة عند ربنا وحشة جدا … أوقات مش بتكون مدرك المعنى فدايمًا لو قابلتم حاجه زي كدا وحسيتم انكو هتشمتوا في الناس قولوا اللهم لا شماتة واستغفروا الله …

 

-فكرة الاهتمام اللي بيظهر من أشخاص فجأة وأنت بتكون محتاج الاهتمام دا في وقت صعب جدا بس من أشخاص عمرك ما كنت متوقع منهم كدا وبتحس إن الحب ظاهر اوووي في عيونهم دول ناس نقيه جدا يا جماعة والله وبيكونوا عاوزين يكونوا جمبك بس في الوقت الصح حافظ عليهم بضمير الناس دي قليلة جدا والله … وادعي ربنا انهم يدوموا في حياتك ….

 

#كراكيب_كلام

#فرح_ماهر

عن fatima saleh

شاهد أيضاً

تحت مسمي الامنيات

                                                                                                      في محاولات تفاوض مع منبهي … النوم يتغلب عليّ فالاستيقاظ المبكر لا أحبه، أغطُّ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *