الرئيسية / شعر وخواطر / شعر / على باب السما

على باب السما

 

عارف أنا نفسي ف ايه
أنا نفسي ف بيت مليان حواديت
وإن خلصت يوم حكايات بينا
يجمعنا جديد
تبقى أنت سطوري وتفاصيلي
لو هبقى وحيد

لو روحت بعيد
اقراك مطلع غنوة ف نوته
** أنساك ده كلام أنساك ياسلام **
وتوته توته

عارف أنا نفسي ف ايه
قصة حُبنا يحكوها الناس ف يوم حدوته
وتكونلي ف يوم نصي التاني
تبقى حلالي

اسمك محفور جوه وريدي
وأنا يوم عيدي
لو جمعتنا زفة وطرحة
يادي الفرحة

يشهد ربي
وعدي أكون لي أمهُ التانية
وإن غاب ثانية
راح أصون قلبي
عن كل الناس
أحساسي ف حضنه إننا بنتهُ
وخوفهُ عليا أجمل احساس

تفاصيل بينا بتبان ألغاز
إن بص ف عيني على غفله
تبقى بحبك

وإن ضم كفوفي ف كفوفه
أعرف منها سامع قلبك

لمعة عينهُ لما يشوفني
باين فيها نفسي أضمك

وسلام إيدهُ لما يطول
ويقول بشويش عارف وحشك

أو لما بكون خايفه يسيبني
بيمسك إيدي أنا هنا جنبك

قلبي❤ ف قلبك❤

آخر كلامي على باب السما
إلقالك قلب
إن ضاقت بيك يبقالك حضن ولمه وبيت
يبقالك ضل لو يوم ضليت ..

على باب السما
#بقلمي_fatma_saleh

عن fatima saleh

شاهد أيضاً

الشاعر.. حسام إبراهيم في معرض الكتاب

في مفيش ساعتين كان الاتنين حفروا الأنفاق وبكلّ غباء ماكانوش عارفين هتودّي لفين. ماحناش خايفين؟ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *