الرئيسية / شعر وخواطر / شعر / همسات حائره

همسات حائره

 

عارف يا روح انك شايله
و ان الجروح فيكي و فيا
شايف و ساكت و اتمنى
زمن ما يبقاش فيه آسيه

ليه قِوِّتك لسقوط آيله
و كفـِّتِك ع الموت مايله
و دمعِتِك دايماً سايله
و لا مكابره و لا ابيه

مهما ان وليف سابك فارق
مهما ان صديق كان مش صادق
كله سيام و لا شيء فارق
في حُسن او سوء النيه

لو الألم ساكن طيفك
دايب في اصلك و ف زيفك
خلي نسيانك …..ضيفك
ربك هداه لينا هديه

صبراً يا روح عايشي و عيشي
من دي الحياه ما تمِلِيشي
انوي الحياه و لا تِنويشي
تموتي كافره و منسيه

ده مهما في جراحي تطوفي
و تعاني في اماني و خوفي
فرجه قريب راح حتشوفي
انسي الآلام روقي شويه

بقلم / هاني احمد على

عن fatima saleh

شاهد أيضاً

الشاعر.. حسام إبراهيم في معرض الكتاب

في مفيش ساعتين كان الاتنين حفروا الأنفاق وبكلّ غباء ماكانوش عارفين هتودّي لفين. ماحناش خايفين؟ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *