منوعات

#فلترحمي..

فلترحمي قلباً فاض عشقاً بحبك.. ولم يجد إلا الإعتراف ففعل وندم،

ليتك لم تتصنعي الفرح في ذلك اليوم، ليتكي صدتيه عنكي كما فعلتي مؤخراً.

فلترحميني.. أنا الذي لم أجد ملجأ منكي إلا إليكي،

والوحيد الذي أهتم لأمرك حقاً وفي مقابل ماذا عزيزتي ؟!!

القليل ربما حديث تخوضينه مع الجميع، أو قبلة كقبلتك لطفل برئ، أو إبتسامة تمنحيها يوماً،

أو حتي نظرة، وأنا الأحق بكل هذا صدقيني.. أنا من أحببتك بصدق،

وليست تلك الأجساد التي لم تري غير جسدك الفاتن لهم، وعندما تخور قواكي وتحتل التجاعيد جسدك سيتركونك،

أما أنا فرأيت أبعد من ذلك عزيزتي، رأيت جوهرك الداخلي، وكل ما أستطيع قوله أنك تستطيعي أن تشيخي بجانبي

فلترحمي جسداً أنهكه الألم في سبيل سعادتك، فانحني ظهره وشاب شعره وشحب لونه واخشوشنت كفاه،

حتي أصبح غير ملائم لك فأبعدتيه!؛ من أين لكي بهذه القسوة؟ أمن أم البشر حواء !

هو شيطانك بكل تأكيد.. استعيذي منه وكوني لي رحمك الله.. فلترحميني.. أنت التي أثرت الشكوك بديني!

فلا يكتمل إيماني حتي يكون الله ورسوله أحبَ إلي منك ومن نفسي..

أنت من تتلهفين لتصبحي ملكة بمئات الجواري وأطنان من الذهب، أستطيع أن أجعلك أميرة بحبي نعم حبي فقط.

فلترحمي عيناً بكت خشية فراقك، عيناً أنتي مقلتيها ونورها التي التي تسير به،

وأتمني ألا توقفي نبضي وألا تطفئي عيني يوماً ..

#محمد_مجدي

 

 

#أحبك ولكن….

أُحبك  ولكن !….

عزيزي قد يكون جوابي هذا الأخير بالنسبة لك لكنه لن يكن الأخير

بالنسبة لهذا القلب فقلب عنيد مثل قلبي سيظل رُغم كل ما يعانيه ” يُحبك” إن شئت الفراق ..

فليكن علي كلٍ ستتركني بينك ، فرائحة عطرتك عالقة بأنفي ..فصرت أتنفسك وهذه صورتك ترتسم حيثما زاغ بصري .

وهذا جسدك يحتضنني فأطمئن . فأنت – رُغمًا عنك – معي .. ” فالبقاء لك بداخلي علي الدوام ”

أحببتك لآخر درجات الهوي  …إن وجدت

  • و لهذا الحد الذي لا حد له .
  • عزيزي : أخبرك بأنني أحبك ..حُب أَمات قلبي ليُحييك .
  • ولكني … أُحَذِرك أيضًا من هذا القلب المَّيت .
  • #آلاء_أشرف

 

  • #فقرة_بالعاميه
  • عالم ديزني المبهج اللي دايما يفاجئنا بسيناريوهات تحفة نفضل فاكرينها مهما عدى عليها من وقت ، و جات الدبلجه المصرية أثرت ف أجيال و اضافت لمسه سحريه و خصوصا فيلم “حكاية لعبه” . الفيلم العظيم بكل اجزاءه ، لو اخترنا مقطع صغير ف نص الجزء الثالث منه ولخصناه .. هنلاقى معظم شخصيات الفيلم “صحاب وودي” بتندم انها مسمعتش كلام ‘وودي’ اللي نصحهم و وضح لهم ان اللي هيعملوه غلط .. بيواجهوا عقبات كتير اهمهم تأنيب الضمير وبيتمنوا لو ‘وودي’ يرجع من تاني عشان يخلصهم من المشاكل دي طبعا كل ده ف اطار كوميدي و اكيد الكل شاف الفيلم..
  • لكن لو عملنا إسقاط لواقعنا اللذيذ هنصادف ناس كتير تشبه لشخصية ‘وودي’ صاحبه خبره وبتنصح الغير ع اساس ده او بتعاصر حاله و تحكي اللي شافته بصدق .. و للاسف بنقابل اضعاف مُضعفه من شخصيات “صحاب وودي” اللي مبتصدقش كلام حد الا نفسها ، اللي صعب يسمعوا النصيحة ويعملوا بيها .. و لما يحصل عكس توقعاتهم و رؤيتهم الخاصه تفشل يلجأوا للي نصحهم و بيعملوا المستحيل عشان الشخص ده يساعدهم
  • وودي ‘ رغم أنه ف كل جزء من اجزاء الفيلم بيقابل مشكلة ان صحابه محدش منهم يصدقوه او ياخدوا بنصيحته … إلا أنه كل جزء بيحارب عشان يثبت وجهه نظره و عمره ما أتخلى عنهم و دايما بيكون موجود عشان يكون المنقذ يعني باختصار شديد جدا : اوعي تيأس من نصيحه او مساعدة حد ، أفضل موجود دايما عكاز للي بتحبهم يسندوا عليه مهما غلطوا … كل ده من غير ما تيجي ع نفسك يعني ‘وودي’ برضه كان بيعاتبهم بس انت ممكن تديهم ع دماغهم عادي لما يميلوا للغلط بس لازم ترجع تمسك ايديهم من تااني للصح .
  • #واقع-من-حكايه-لعبه
  • #سلمى-الدهشان

#الانطوائيه_وعدم_التحاور

لانطوائيه وانك مش عارف تتحاور ولا تتكلم مع حد فيس تو فيس مع انك شخص اجتماعي جداا وبتحب تتعرف ع ناس كتير وتتكلم معاهم ويكون ف حياتك ناس كتير …
بس الانطوائيه وانك مش عارف تتكلم مع حد فيس تو فيس وبتخاف تتكلم وبتحس برهبه ف الموضوع
مع انك ف يوم من الايام كنت بتعرف تتكلم كويس جداا بس فجأه كل دا اتغير للاسوء …
المشكله دي بقت بتواجهه ناس كتير جداا …
بس هيا سببها حاجه واحده او حاجتين …
-النت … عالم السوشيال ميديا بالاخص …
ان حياتك كلها وكلامك وقعدتك ع الموبيل او اللاب توب او اي حاجه بقا …
كلامك كله عباره عن كتابه … تحاورك مع الناس كتابه … بقيت عباره عن شخص ساكت لسانك مش بيتحرك ايدك بس هيا اللي بقت بتتكلم
شخص اجتماعي بس ف الكتابه والشات … بتعرف تعبر عن وجهة نظرك ورايك وافكارك وكل حاجه عن طريق مربع الشات او البوستس او الكومنتس والريبلاي غير كداا لا ….
-عدم خروجك كتير للعالم الخارجي والشارع فقدت فعلا حاجات كتير جداا …
بعد ما كنت شخص شجاع تقدر تنزل وتتكلم وتتعامل مع البشر بقيت شخص بتخاف من طريقة كلامك والتحاور والناس والبشر ف الشارع … بتكون متوتر جداا ومبتعرفش تتكلم وبتضحك بس وبتمشي ساكت ومش عاوز تتكلم مع حد ممكن تمشي تكون ماسك موبيلك ف ايدك والهاند فري ف ودنك وماشي وسط الناس اكنك لوحدك مفيش حد عايش ف ملكوتك … مبقتش عاوز تتجمع او تكون وسط تجمعات بشكل عام … بتحس انك شخصيه ضعيفه … انطوائي جداا … مش بتعرف تتكلم ولا تتعامل مع حد … حد يسالك سؤال تكون عارف الاجابه تتلهوج ومتعرفش ترد نهائي او ردك يكون ف شك وتوتر خوف … احياناً بيبان عليك ملامح الخوف وممكن توضح للي قدامك انك عامل حاجه غلط او مصيبه من علامات الخوف اللي ع وشك وشكلك … اما تقابل حد مبتعرفش تتكلم معاه كويس … اسلوبك ف التحاور 0%
بس ع عالم السوشيال ميديا بتكون اجتماعي جداا وطريقة كلامك برفكت جداا وكل حاجه تمام وشخص بنسبة 95% كامل ف كل حاجه لدرجة ان ف ناس بتكون هتموت وتتعرف عليك وتتكلم معاك ع الحقيقه بدل النت بس للاسف مش هتعرف تتعامل ف بتهرب منهم وبتتحجج كتير اوووي انك مش عاوز تنزل …. الخ
الموضوع دا مش هتلاحظة فعلا غير بعد فتره اما تنزل الشارع هتلاحظ انك مخنوق ومش عارف تتعامل مع بشر
هتكون عاوز ترجع البيت وتدخل الصومعه بتاعتك او تقعد ف البيت عادي لوحدك زي مانت متعود وتكون مع موبيلك والهيد فون بتاعتك والكتاب وبس غير كداا مش عاوز ومش قادر تعمل حاجه ولا عاوز تكلم حد ولا حتي تتعامل مع اهلك ف البيت نهائي شعور اللامبالاه بيظهر عليك بس محدش فاهم اللي جواك ولا فاهم اي حاجه ف بتاخد كلام ف جنابك مالوش اي تلاتين لازمه بس لانك مش عارف تتكلم ولا تعبر عن اللي ف بتكست وبتكتم ف نفسك …

#الخلاصه …
لازم تبعد عن عالم السوشيال ميديا وترجع لحياتك الطبيعيه صعب ف الاول بس لازم ترجع لانك هتدخل ف مرحلة توحد ووحده وفوبيا من الناس والشارع او بالمعني الاصح العالم كله …
#فرح_ماهر

 

الضربة_اللي_متموتش_تقوي

الإنسان المتطور هو اللي بيكون عارف اسباب مشاكله ، بيتقبلها و بيحاول ميقعش فيها .. ع طول فايق كدا و مركز ف كل صغير و كبير ، من الصعب انه يدخل ف حاله توهااان

– بيقدر يحدد مصيره وحاله وبيحل مشاكله ف منتهي البرود والروقان ، عارف بيعمل ايه ومش بيعمل ايه .. صادق مع نفسه جداا قادر يخرج نفسه من اي حاجه

– بالظبط ، مش بيستسلم قدام اول وقعه مع انها ممكن تكسر رجله لكنه بيقوم و يقف من جديد
المعافره ي سارة ، انك تعافري اهم من انك تحلمي

– الحلم طول ما هو موجود ي اسماء هنعافر عشان نوصل ..
تكسير المقاديف وقطمة الضهر مش بالساهل بس الشاطر اللي يقوم ع رجله بسرعه

– اختلف معاكي شوية يعني انا مثلا وقت الثانوية العامه و المجموع اللي مكنتش بحلم به .. كرهت كل الدنيا و فضلت عازله نفسي فتره ، لكن قمت من تااني لما حبيت الكلية و مجالاتها
اهو فات اكتر من سبع سنين لكن ده يعتبر بوينت بستمد منه الارادة

– ياااااه الثانويه العامه وايامها ، تعرفي الثانويه دي فعلا بعدها لقيت حياه تانيه خالص ..
الحياة قبل الثانويه وساعة الثانويه غير بعد الثانويه .. افتكر لما دخلت مكان غير مكاني وفشلت اول سنه بس بعدها قومت ع رجلي من جديد وتفوقت جدا تخيلي !

– كتير من اللي وقعوا محدش منهم قاام .. نحمد ربنا دايما اننا بنقدر نتخلص من عواصف القدر دي
المهم انا شايفة انك مشوشه اليومين دول يا ترى ليه ؟!

– العالم مخيف ، الناس وشوشها وحشه اوي نواياها مش صافيه .. محدش عاوزك تكوني احسن منه لا عاوزين فشلك و كسره قلبك

– عارفه .. كان ف اغنيه زمان ل جورج وسوف بتقول “كلام الناس لا بيقدم و لا بيأخر” … يعنى ببساطه كبري دماغك منهم ، لأنك ببساطه أكبر يااما هتشوفي من العينات دي ( اللي بيمثل عليكي الحب و هو اصلا بيكرهك او منافس قوي ف الشغل كل هدفه انه يهدمك او واحده صحبتك اوي بس بتتكلم عليكي من ظهرك .. إلخ)

– تفتكري تكون غيره و غبااء ؟!
وانهم عاوزين يكسروكي عشان هما بس اللي يفضلوا ؟!

– سبب واضح وصريح ، النوعيه دي مرضى نفسيين عايزين يتعالجوا .. و انتي اكيد عارفه ان لا حرج ع المريض

– ليس ع المريض حرج فعلا
والاهم ان كداا بنحس اننا ناجحين .. النجاح من غير اعداء مهما كانوا مش بيكون نجاح ولا ايه ؟!

– دايما بقول الأمثال غلط بس المهم اني اتفق معاكي و بشده ..
حياتنا ما هى الا امتحان صغنن مليان اسئلة رخمه بترهقنا و تطلع عنينا (مشاكل ، قدر ، الناس و فكرهم العقيم .. ) ، اهم حاجة اننا نفضل نعافر و نجتهد عشان نتخطى الاختبار ده

– طبعا ..واحنا لازم نكون اد اي حاجه تحصل ونواجهه كل حاجه بقلب قوي
قلب مليان ايمان بالله ويقين بالله كبير

– و طول ماحنا ع يقين بالله عمره ما هيخذلك
و خير دليل ع ده .. يقول الحديث الشريف
( عن أبي بكر رضي الله عنه قال : قُلت للنّبي (ص) و انا فى الغار : لو أنّ أحدهم نظر تحت قدميه لأبصرنا ، فقال : ما ظنك يا أبا بكر باثنين الله ثالثهما ) رواه البخاري
كلنا عارفين ازاي ربنا سخر العنكبوت بشِباكه و الحمامتين .. و ستر سيدنا محمد (ص) و أبي بكر خير ستر
#فرح-ماهر
#سلمى-الدهشان

 

 

 

#فقرة_الليل

الليل يبدأ ف حزم حقائبه للمغادره ، تتخلل بعض  نسمات الهواء  لتداعب خصلات شعر تلك الاميره التي تطل علينا من قصرها الصغير ، صوت العصافير وانشادها علي الشرفه ، لا يختلف كثيرا عن الاطفال حين يلعبون ، فوضي جميعهم فوضي ،

اختفت جميع النجوم ، عدا نجمه واحده ، مضيئه بشكل يجذب الانتباه ، واضحه مع ان السماء بدات تتخلي عن ظلامها ، ويختلط الابيض والازرق الان كانها لوحه لفنان كبير

هدوء يسيطر علي الاجواء ،، أميرتنا اليوم تقف كعادتها تراقب مطلع الشمس تري لحظه اباده الظلام لحظه انتصار تفوت اغلب الناس ، يسرع عقلها بطرح سؤال بداخلها لكن النهار يهزم امام اعين الجميع أليس كذلك !

ترد اميرتنا بصوت غير مسموع لا تسمي هزيمه بل انها دائره الحياه ، الهزيمه معناها الا تعود من جديد ولكن للنهار عوده .

#سلمي_الجارحي

 

 

جلست أمامه تبكي وتترجاه كالطفل الذي يترجى والدته بألا تبتعد عنه قائلة : لماذا تريد أن تتركني يا معاذ أنت تعلم أني لا أستطيع العيش بدونك .
نظر لها بحزن وقال : هذا الأفضل ، أنتِ وأنا نعلم سبب إنفصالنا فأرجوكي لا تُلحّي عليَّ كثيراً يا رحمه .
بدأت دموعها تنساب على وجنتيها وقالت : أنت تعلم أني الآن في أمسّ الحاجةِ إليك فلماذا تفعل هذا بي ، لماذا تريد أن تقتلني من الآن .
إنفطر قلبه على إثر جملتها وقال : أنتِ تعلمين أن الظروف هي التي وضعتنا في هذا المأزق .
نظرت له وقالت : ألا تتذكر أول يوم رأيتني فيه ماذا فعلت .
تبسم لتذكره الماضي وقال : لكن الوضع الآن يختلف كثيراً يا “رحمه” .
رحمه : وماذا أختلف يا معاذ” انا مازلت “رحمه” حبيبتك لم يتغير بي شيئ سوى أننى مرضت .
تبسم بسخريةٍ وقال : وهل مرضك هيّن ؟ كيف سنتزوج وانتِ مريضه ؟ كيف ستُربين أولادنا ؟ إلى متى ستعيشين ؟
قالت في غضبٍ بالغ : وما هو ذنبي في هذا المرض الذي تملّكني ، لو أنني أتمكن من قتله لما ترددت لحظة لأنه سبب إبتعادك عني .
قال لها بلهجةٍ قاسيه : وما ذنبي أنا في مرضك؟ ما ذنب أولادي في أن يتيموا في صغرهم .
رحمه : مِن الممكن أن أُشفى من مرضي .
معاذ: لا يا “رحمه” ف أنتِ في مرحلة متأخرة من مرضك”سرطان الدم”.
شعرت بألم يغزو قلبها ودقاته تزداد فقالت له في وهن : أخرج من بيتي ولا تعود مرةً أخرى .
إنصاع لحديثها ورحل.
شعرت وكأن روحها تُقتلع من أعماقها فتمددت على السرير لتغط في سبات عميق لم تفق منه مرةً أخرى.

#هاجر_الحاكم

 

الفقرة ” رسائل لن تصل يوماً ”

لم أكتُب لكِ من وقتٍ طويل عزيزتي ..

لم أكُن أقصِدُ ذلك ، بل كُنت أقصدِهُ – فقد كنت أتمنى أن يشفيني البُعد من حُبَكِ ، و لكن دائماً تأتي الرياح بما لا تشتهي السُفن ..

فيزيدني البُعد شوقاً و لوعةً و لهفة ..

كوكب الشرق سيدة عظيمة ، تُلهِم قلبِي .. فألهمت قلبي بالرجوع إليكِ بأغنيتها العظيمة ” بعيد عنَك ”

و لكنني حرفتُ بتشكيلها قليلاً حتى تتلاءَم معكِ .. أو معنا ..

” نسيت النوم و أحلامُه – نسيت لياليه و أيامُه

بعيد عنك – حياتي عذاب – متبعدنيش بعيد عنِك

مليش غير الدمُوع أحباب – معاها بعيش بعيد عنِك

غلبني الشوق و غلبنّي –

و ليل البُعد – دوبنّي –

و مهما البُعد حيرني – و مهما الشوق سهرني

ما طول بُعدك يغيرني – ولا الأيام بتبعدني – بعيد عنِك ”

أرهقني البُعد – فـ عُدتُ إليكِ ، كطفلٍ لا ملاذ لَهُ سوا أحضانَ أُمِه .. مهما فرقتهما الحياة ، يعود إليها سريعاً

لـ تُعوِضَه عمّا رآه في غيابِها من متاعب الحياة ..

أتعلمين أخبرني أحد أصدقائي أنني قد تغيرتُ كثيراً مؤخراً ،

أصبحت أنسى كثيراً ، أجلس معهُم بجسدي و لكن دائماً عقلي ليس معهُم ، و تساءل عمّا آل إليه حالي ، فلم أجد جواب ..

صمتُ و كم آلمني صمتي ، تساءل عمّا إن كانت بيننا بعض المشاكل ، و عرض خدماته في التدخُل و محاولة حلها ،

لم أستطع أن أجيبُه ، فماذا سأقول له ،ُ أخبريني إن كُنت تعلمين جواباً يُفيدني لأجيب به هؤلاء ..

و رغم كل ذلك الآلم جئتك –

جئِتَكِ و كلي أمل في العودة .. أُكتبي لي .. تشتاق عيناي لقراءة أحرُفِكِ .. بل روحي هي من تشتاق لأحرفِك كي تسكُنها

و إن لم تكتبي ، سأظل أقرأ كل حرفٍ كتبتيه في رسائلنا منذ ألتقينا ، حتى أعلنتِ الفراق دون أن تكتُبي ذلك ..

” افتكرلي لحظة حلوة عيشنا فيها من الهوا – و افتكرلي مرة غنوة فـ يوم سمعناها سوا

خُد من عُمري – عُمري كُله إلا ثواني أشوفك فيها ”

أحتاج رؤياكِ .. فأعطفي على مُحتاجٍ ذلّه حُبَكِ ..

#جهاد_أسعد

 

 

 

عن fatima saleh

شاهد أيضاً

عليك حماية حلمك حتى بلوغه ..

  عليك حماية حلمك حتى بلوغه .. نحن معشر الشباب نعاني الكثير في هذه الفترة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *