مش ملاك



 

انتي اصلا مش ملاك

بُعدي عنك كان ضروري

قربي منك كان هلاك

 

حظي اني اخترت واحدة

باينه لينا شيئ برئ

زي موجة ف عز صيف

إن قدرت ف  يوم تقرب

تلقى نفسك بقيت غريق

 

الكل شاف الطُهر فيها

دايرة تسحر ف الدروب

وحدي بس قدرت اشوفها

شيطان بيغوي ف القلوب

 

انتي اصلا مش مَلَاكي

حظي كان قاصد يعاند

لما قُلت اعيش بلاكي

توهت فيكي زي سكة

وآخرها برضو ما لقيت سواكي

 

 

وحدي بَعدك بقيت بَعاني

زي طفل كل خوفهُ

فاجأة حاصره

جوه أحلامه ف ثواني

 

وان ف يوم خدت القرار

ابقى وحيد

وأبدء حياتي من جديد

بلقى ف كل خطوة نار

 

 

بداية قصتي معاكي

م الحصار والقرار اللي كان

اخره نار

 

ووصفي ليكي

بالملاك اللي قُلت عمري يوم ما اكون سواه

صَبَح هلاك

 

 

بإختصار قُربي منك كان لاحلامي دمار

 

والشروع ف البُعد عنك انتحار

 

 

مش ملاك

#بقلمي_fatma_saleh

عن fatima saleh

شاهد أيضاً

الشاعر محمد المصري يكتب.. مَنتاش يوسف

بتقول انك فتشت جيوبك كده حيلتك ايه وطلعت بكام حبة أوجاع بالإسم أيام وجوزين جنيهات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *