الرئيسية / شعر وخواطر / مساء الخير

مساء الخير


 

مساء الخير علي عيونك
وايه الدنيا من دونك
بدون الحب يا سمره
بدون القلب والضحكة
منين هتجيلي “الضحكة”
ما دام غيبتي .. ما كنتي
حبيبه كنتي أو صاحبه
حسبتك روحي أو بنتي
و كنت من الوجع عاجز
وبيني وبين قلبك ..
٢٠٠ حاجز
و بيني و بين الناس أنا عايش
بشكلي و شكل أنفاسي ..
و كنتي مدينتي أو ناسي
لكني عارفني مُت زمان
و بحاولأهو مع الامكان
أكون عايش ..
و طعم الدنيا من غيرك
بقي بايخ
بقي ماسخ ومن غير شكل
كرهت الفراق بينا .. كرهت الوجع فيكي
حتي الأكل من غيرك ال كان محبوب
بقي بطال .. سارح قلبي وياكي ليل ونهار
كما الدوريش .. ف حب الله
لحظه بلحظه عايشه معاه
كما العامل ال كان شقيان
و كان تعبان لأجل لقمة عيش
دوسي ع الجراح بشويس
واحضني كل أوجاعي
يا أهلي وكل أصحابي
أنا ك الطير .. ال كان محبوس
في أوهامك ..
و مهما ضعفت قدامك
أنا قادر .. أنا صابر
انا ك الطير ال كان مكسورله
١٠٠٠ جناح ..
و بيحاول بإنه يطير

مساء الخير يا أوجاعي
و أوعاجك بتوجعني ما دام فيكي
بشوف الجنه ف الضحكه لمعاليكي
بشوف العالم الكامل إذا اتلاقت و تاهت عيني ف عنيكي
كما الطفل ال شاف أمه فاتشعبط ف جلابيبها
و كان سامع بصوت الناس دي بايعه من زمان سيبها
فزاد بالبعد أوجاعه و صام عن بنات حوا ..عايشه ف روحه من جوا ..و عاشق حتي لعيوبها
كإن البعد زاده عناد و زاد قلبه ال كان ميت ف دبادبها
يا أرض عايشه ليا براح
قلبي نفسه يوم يرتاح
و يعيش عمره وياكي
لو من دمه رواكي ..
هيفضل برضوا ليكي ..يميل
مساء الخير يا محتاره
و تعبانه و سهرانه .. لنص الليل
لو عاوزه لحبي أماره ..هل يكفيكي عمري دليل


رحاب فواز

عن fatima saleh

شاهد أيضاً

ولاء أحمد تكتب .. طيف”

وأَمْشِي.. بِبَعْضِ الفؤادِ وَكلِّ الحكَايا هُما كلُّ حظِّ انتِفَاءٍ طويلْ وسرُ السؤالِ الكبيرِ الكبيرْ عَلَامَ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *