حلاوة روح
admin
23 سبتمبر، 2017
خواطر, شعر, شعر وخواطر
880 زيارة
حلاوة روح
بقلم/ فاطمة صالح ابراهيم
خايف من ايه
وعلى مين مشغول
كل اللي سابوك
كانوا ف خيالك
دي حلاوة روح
أو يمكن حُزنك على حالك
يخلق من روحك
قلب جديد
صدقني مفيد تبعد فترة
وتلوم ف مرايتك أحبابك
مش شرط تكون بس الفكرة
مين خانك يوم أو ليه سابك
هاتقولي نهايتك أهي قصادك
و تخبط ف الدنيا لوحدك
وتعيش تبكي على حبيب باعك
لملم كام ذكرى من قلبك
على دفتر أعراض إنسحابك
وتْعكز على حلمك وإكتب
إسمك معكوس ف ضهر كتابك
وإن عدى العمر وطال جرحك
إركن مكتوبك على بابك
يمكن تشتي ف يوم بَعدك
ف يسيل دمعك ويصفا سحابك
وتْنبت ف الوحدة حروفهم
ف تعرف مين هما أصحابك
تتونس بقلوبهم وحدك
من غير ما تلومهم على حالك
خايف من ايه
وعلى مين مشغول
كل اللي سابوك
كانوا ف خيالك
جريدة نبض القلم الأدبية
