بنت

بنت

بقلم/ رحاب فواز

 

بنت عايشه بضحكه صافيه

بنت شايله حاجات كتيره

بنت في الشده بألوف ..

عايشه دايما وسط حيره

ضحكه باهته قطر فاتها

ناس كتير دخلت حياتها

شايفه واحده ف المرايه

واحده عارفه بحكاياتها

يالا نفرح أيوه بيكي

مش مهم دموع عينيكي

لما نسأل عن جوازك

و الدبله ليه فارقت ايديكي

يا سيدنا النبي شوفت الناس

داخلين ف حياتنا بأي أساس ؟

قولت “من حسن اسلامك

إشغل بالك  بس بحالك “

فين حب نبينا و الاخلاص .. !

بنت عايشه ف حزن دايم

شايفه صبح لكنه غايم

شايفه لون اسود ماليها

قلبها عن الفرح صايم ..

أم ماتت … اب اتجوز بواحده تانيه

عاشقه ليها المرمطه ست بمعني الكلمه جاحده

قلب ميت من زمان

ما في يوم مسكت ايديها حتي بس لو للحظه ..!

شغل ماشي دمع ماشي

تشتم  لو قالت يا  راسي

عايشه ذل و كل حاجه

عايشه ويا قلب قاسي

يا خلق سؤال “فين الرحمه ؟”

نسيناها خلاص وسط الزحمه

يا خديجه بناتك اتهانت

محرومه م الحب و م الفرحه

بنت ماشيه بلبس واسع

هي ملكه وسط شارع

كترت فيه اللخبطه

رايحه درس و رايحه جامع

بالعيون متحوطه..

نظره ساخره من بنت ماسخه ماشيه هدومها مقطعه

مش فقيره .. دي بنت قيمه

لكن الموضه مظبطه

شكل حلو و بشره صافيه

رايحه جايه  برقه ماشيه

لكن عاصيه ربها

عامله شله .. بنت روشه

و ابوها كمان سامح لها

اكيد معاها عذرها

أحلي قدوه و أب راجل

فرحان بيها و شكلها

مش  قصة بنت

و لا راجل حتي و لا ست

دي قصة حبك لباباكي

في الاخر ليها انا سيبت

عشان هيكونلك دا قرار

ابوكي من حبه بيسيبك تلبسي و لا مره بيختار

سايبك ع راحتك لشيطانك

و بيكتب فيكي الاشعار

لكن لو بتحبي ابوكي ؟

تسيبيه للنار طب يرضيكي ؟

” لا يشم طيب الجنة ديوث”

غيرتي مكانه بإيديكي

يا حبيبتي الموضه مش في هدومنا

ارضي حبيبك طب بالسُنه

باللبس الواسع ع الموضه

هيشيلك القلب و عيونا

عن admin

شاهد أيضاً

حيرة

بقلم/ سجى محمود عقلي مشوش قلبي يرفض أن ينسى. صراعات عديدة بين قلبي وعقلي؛ قلبي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *