الرئيسية / شعر وخواطر / خواطر / اخرج بخوفك للعلن

اخرج بخوفك للعلن

اخرج بخوفك للعلن

بقلم/ ندى غالب

 

 

اُخرج بخوفك للعلن

اكسر حدود فرحتك

حطم قيود الزمن

إطلع من وحدتك

اُصرخ بعلو الصوت

روحك صامدة رافضه تموت

لكن !!

أنا المرعوب انساكم

أنا المسجون فى ذكراكم

وخايف منكم طول الوقت

أنا اللى فرشتكم جوايا

رويتكم زى فدان ورد

عملت وريدى حبل الود

وطلعت صورة وهمية

كما عطشان فى الصحرا

بيجرى ورا سراب مياه

لكن دايماً

الحزن قادر

العجز كاسر

والذل فاجر

وملوش عزيز

والعقل متلخبط مفيش تركيز

لا شايف حل ولا تمييز

عزيز القلب فقد حقه

حرق صورته و شوهها

خسر دعوات بتسكنها

بلونها بلون الفرح ف يجرحها

الدنيا دايرة

ومفيش مهرب من المكتوب

بيجلد فينا باستمرار

جروحنا بتغلى دم ونار

وأحلام كنا حافظينها

وعشرة كنا صاينينها

بحب وجدعنة واخلاص

خلصنا خلاص

مفيش تانى

جَبرنا وشبعنا وبنعاني

كفاية كسر خاطرنا

ياربي بكرة تُجبرنا

حنون دايما مبيسبناش

فى داهية الناس

إذا أندال وخلو الحرام يبقى حلال

فى داهية الناس

إذا ظالمين ونسيوا انهم راجعين

لرب الكون وهايتحاسبوا

فى داهية ان داسوا على روحنا

بدون حتى ما يتهزوا قليل

العقل لُه عذره ده قدره شىء ميملكهوش

قليل الحيله ايه عذره؟

تسمع رده ما تفهمهوش

ملوش اعذرار غير انه كسول

وكسله افترسه زى الغول

وتسأله ليه؟؟

يقولك مالي وذنبي ايه

-(و له حل ) اكيد لي

بأمر الله وبإيديه هو لوحده

وبإرادته وتصميمه هيقف من تانى على رجليه

عن admin

شاهد أيضاً

حيرة

بقلم/ سجى محمود عقلي مشوش قلبي يرفض أن ينسى. صراعات عديدة بين قلبي وعقلي؛ قلبي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *